Kilala ang Solenopsis molesta, na tinatawag ding Northern Thief ant, sa pagsira ng mga piknik. Dahil napakaliit nila, mahirap silang makita, pero kapag naramdaman mo na ang kanilang hindi kanais-nais na kagat, madali mo na silang makikita. Nagmula sila sa mga estado sa timog at nakarating hanggang Canada.
Ilan sa pinakamaliliit na langgam sa Hilagang Amerika ang mga manggagawang Solenopsis molesta.
Taksonomiya
Pamilya: Formicidae
Subpamilya: Myrmicinae
Tribus: Solenopsidini
Henus: Solenopsis
Espesye: Solenopsis molesta
Pangunahing impormasyon
Pinagmulan: Estados Unidos
Tirahan: Gustong-gusto nila ang maiinit na temperatura at kung minsan ay nangangailangan ng pampainit na banig para sa wastong pag-unlad.
Kayarian ng kolonya: Bahagyang polygyny.
Dami ng langgam sa kolonya: 10.000+ manggagawa
Edad ng kolonya: 10-15 taon
Pagtatatag ng kolonya: Ganap na klaustral
Mga manggagawa: Monomorpiko
Pamumugad: Namumugad sila sa ilalim ng mga bato at sa lupa.
Pagpapahinga sa taglamig: Kailangan ng mga langgam na ito ng hindi bababa sa isang buwan at kalahating pagpapahinga sa taglamig sa temperaturang 4-6 digri Celsius.
Pagpaparami: Mga paglipad para mag-asawa sa buong Agosto.
Hitsura
Mga manggagawa: Sadyang napakaliit ng mga manggagawa. Napakatingkad ng kulay kahel nila.
Reyna: Maliit sila, kahel ang katawan, at may maningning na dilaw na mga guhit sa kanilang gaster.
Lalaking langgam: Itim ang katawan at kahel ang mga paa.
Maliit ang mga reyna ng thief ant at madalas nilang sinisimulan ang mga kolonya nang pangkatan (Credit: Connor Cashman)
Laki
Mga manggagawa: 0.5-1.5mm
Mga reyna: 2-3mm
Mga lalaking langgam: mga 1-2mm
Tagal ng pag-unlad
sa 75°F (24°C)
Mula itlog hanggang larva: mga 8 araw
Mula larva hanggang pupa: mga 10 araw
Mula pupa hanggang manggagawa: Mga 9 na araw
Mula itlog hanggang manggagawa: 27 araw
Impormasyon tungkol sa pag-aalaga ng langgam
Rekomendasyon: Panggitnang antas. Napakaliit nila, nangangagat sila, at madaling mawala sila sa paningin.
Temperatura: 14-29° Celsius
Halumigmig: Panlabas na lugar: halumigmig ng silid, pugad: mamasa-masa
Mga uri ng pugad: Namumugad sa lupa at sa ilalim ng mga bato. Mahusay din silang alagaan sa mga test tube at sa mga pugad na acrylic (kung pinananatiling mamasa-masa).
Laki ng formicarium: Dapat bumagay sa kasalukuyang laki ng kolonya. Mabilis lumaki ang kolonya kaya kakailanganin itong palakihin pagkalipas ng ilang panahon.
Mga aksesorya ng formicarium: Pinagmumulan ng init (opsyonal).
Uri ng substrate: ?
Pag-uugali
Mahiyain ang mga langgam na ito. Hindi sila umaalis sa pugad maliban kung naghahanap sila ng pagkain. Napakaliit din nila kaya mahirap para sa kanila ang maghanap ng pagkain. Hindi sila masyadong agresibo, pero kapag inistorbo mo sila, ang mga langgam na nanunusok nila ang mamamayani. Aktibo sila sa araw, pero napansin ko ring aktibo sila sa gabi.
Matatagpuan sa iba’t ibang panig ng mundo ang ilang uri ng magnanakaw na langgam (Solenopsis fugax, Solenopsis molesta complex) (Solenopsis texana, sa kabutihang-loob ni Jake Nitta)
Karagdagang impormasyon
Napakaliit ng Solenopsis molesta kaya napakahirap silang kunan ng litrato. Dahil sa matingkad na kulay kahel nila, kahanga-hanga silang tingnan sa mga pugad na acrylic.
Mukhang hindi sila gaanong naghahanap ng pagkain, kaya naingatan ko sila sa test tube hanggang sa umabot sa humigit-kumulang 300 manggagawa.
Gustung-gusto ng Solenopsis molesta na maghukay sa bulak, kaya maaari silang malunod kapag nabutas nila ang silid ng tubig at bumaha ang test tube. Kaya tiyaking mabantayan ito.
Kung ilalagay mo sila sa isang natural na tirahan, ilagay ang ilaw malapit sa salamin upang makapagbigay ito ng init at mamugad sila sa tabi nito. Maglagay din ng maraming bato na mapamumugaran nila sa ilalim.
Pagkain
Batay sa karanasan ko, mukhang hindi gaanong kumakain ng pagkain ang Solenopsis molesta. Posibleng dahil maliit ang kanilang katawan, hindi sila gaanong kumakain ng pulot.
Parang paminsan-minsan ay kumakain sila ng kaunting protina at posibleng sumisipsip ng kaunting pulot. Gayunman, napansin kong gustung-gusto nila ang mga piraso ng manok at tinapay.
Pinagsama-sama at isinulat ang gabay na ito ni Daniel Cantin mula sa Discord server na 'Ants and Antkeeping', na makikita rito. https://discord.gg/YbZGvtR3
Ipinalathala ang gabay na ito sa pahintulot ng mga may-akda. Makikita rito ang orihinal na artikulo. Nag-edit din ako batay sa sarili kong mga obserbasyon
caresheets/solenopsis_molesta - pag-aalaga ng langgam (reddit.com)