Mga Garantiya sa Fertilidad

Nag-aalok na kami ngayon ng pinahabang Garantiya sa Pagdating na Buhay at Garantiya sa Fertility gaya ng sumusunod!

GARANTIYA SA PAGDATING NA BUHAY

WALANG INIAALOK NA GARANTIYA PARA SA MGA KOLONYANG INIINGAT SA MGA GEL FARM, MGA PUGAD NA PURO ACRYLIC, O MGA ANT FARM NA ESTILO NG UNCLE MILTON.

Ginagarantiyahan namin ang kaligtasan ng mga fully claustral na reyna sa loob ng isang buong buwan pagkaraang dumating. Kung mamatay ang isang reyna sa loob ng isang buwan, ire-refund o papalitan namin siya.

Ginagarantiyahan namin ang kaligtasan ng mga parasitic at semi-claustral na reyna sa loob ng 2 linggo pagkaraang dumating. Nangangailangan ng agarang pagpapakain ang mga reyna na ito, at pinapakain namin kaagad ang lahat ng aming semi-claustral at parasitic na reyna bago ipadala.

GARANTIYA SA PAGDATING NA BUHAY SA TAGLAMIG (Huling bahagi ng Oktubre- Huling bahagi ng Marso)

Sa panahon ng taglamig, nagdaragdag kami ng humigit-kumulang 10$ sa bayad sa pag-iimpake para matugunan ang gastos sa mga heat pack, dagdag na insulasyon, atbp. Gayunman, kailangang piliin ang Xpresspost para matiyak ang garantiya na buhay ang mga ito pagdating, at kailangang magbigay ng patunay na dumating na buhay ang reyna sa loob ng 24 na oras mula pagdating. KAILANGAN MONG BUMILI NG HEAT PACK PARA MAGING KUWALIPIKADO

- Hihingi kami ng ebidensiya sa anyo ng mga larawan, at hindi kami makapagbibigay ng refund o kapalit kung wala ang mga ito. Huwag itapon ang mga patay na langgam!

- Kung dumating nang buhay ang mga langgam ngunit mamatay sa loob ng 2 linggo, ire-refund o papalitan namin ang mga ito ayon sa aming pagpapasya, kung ang pagkamatay ay hindi maituturing na kapabayaan ng tumanggap

- Maaaring kanselahin o baguhin ang lahat ng order bago ito i-empake at ipadala (sa susunod na Lunes)

- Maaaring isauli o i-refund ang lahat ng panustos kung maghahain ng kahilingan sa loob ng 14 na araw mula nang matanggap ang mga ito. Gayunman, kailangang ipadala muli ng tatanggap ang pakete, at siya ang sasagot sa lahat ng gastos sa pagpapadala.

GARANTIYA SA FERTILITY

Gagarantiyahan namin ang fertility ng lahat ng fully-claustral na reyna, at handa rin kaming magpadala muli ng sinumang reyna na hindi mangitlog sa ilalim ng mga sumusunod na kondisyon

- Pinananatili ang reyna sa temperaturang higit sa 25 degrees

- Napakain na ang reyna nang kahit isang beses sa loob ng panahon ng garantiya

- Dapat ihain ang claim sa loob ng makatwirang panahon bago mangitlog ang reyna.

Inaasahang mangitlog ang mga Aphaenogaster sa loob ng 2 linggo mula sa pagkolekta sa mga ito. Ang petsa ng pagkolekta ay nasa unang 2 linggo ng Agosto.

Inaasahang mangitlog ang mga Brachymyrmex sa loob ng 1 buwan mula nang mahuli (nahuli noong Agosto) O pagkatapos ng hibernasyon, para sa mga reyna na nahuli noong Setyembre, ngunit ibinibigay lamang namin ang garantiyang ito kung nilagyan ng substrate ang mga tirahan ng mga ito.

Inaasahang mangitlog ang mga Camponotus sa loob ng 2 linggo sa panahon ng paglipad sa tagsibol. Ang anumang reyna na nakolekta/binili sa taglagas ay magpapalipas muna ng taglamig bago mangitlog.

Inaasahang mangitlog ang mga Crematogaster sa loob ng 2 linggo kapag pinalipas ang taglamig.

Minsan ay nangingitlog ang mga reyna ng Formica pagkatapos magpalipas ng taglamig, at minsan naman ay bago nito. Karaniwang 20/80 ang hatian. Ginagarantiya naming mangitlog ang mga ito sa loob ng 2 linggo mula nang alisin sa hibernasyon. Gayunman, karaniwan ay nangingitlog na ang mga ito bago nito.

Mangitlog ang Lasius americanus sa loob ng 2 linggo mula nang mahuli ang mga ito. 

Karaniwang mangitlog ang lahat ng iba pang Lasius pagkatapos ng hibernasyon.

Inaasahang mangitlog ang mga reyna ng Prenolepis sa loob ng 2 linggo mula sa pagkolekta sa mga ito noong huling bahagi ng Mayo.

Inaasahang mangitlog ang mga reyna ng Temnothorax sa loob ng 2 linggo mula sa pagkolekta sa mga ito, at kinokolekta ang mga ito sa buong Hulyo at Agosto.

Inaasahang mangitlog ang mga reyna ng Tetramorium sa loob ng 2 linggo mula sa pagkolekta sa mga ito noong unang bahagi ng Hulyo.

 PATAKARAN SA PAGSAULI

- Maaaring kanselahin o baguhin ang lahat ng order bago i-impake at ipadala (sa susunod na Lunes )

- Maaaring isauli o i-refund ang lahat ng panustos kung maghahain ng kahilingan sa loob ng 14 na araw mula nang matanggap ang mga ito. Gayunman, kailangang ipadala muli ng tatanggap ang pakete, at siya ang sasagot sa lahat ng gastos sa pagpapadala.